Vangstun gard er det gamle og opprinnelege namnet på garden, som mest har vore kjent som Hopperstad-garden på Vangsnes, etter at Ole Jonsen Hopperstad flytta til Vangsnes frå Hopperstad i Vik i 1859, og gifta seg med odelsjenta Ingeborg Sveinsdotter Dyrdal.

Fram til 1970-talet vart garden drive som ein tradisjonell vestlandsgard, med frukt og bær, mjelkeproduksjon og sau. Det var og på det meste 3 hestar på garden. 

Frå 1960-talet vart sauehaldet avvikla, og på slutten av 70-talet vart alt dyrehald på garden avvikla.

Det har sidan vore allsidig produksjon av epler, pærer, kålrot, poteter, bringebær og jordbær.

I dag er det hovudsakleg produksjon av jordbær og bringebær, og litt småskala produksjon av bjørnebær, epler og plommer.